Isaias 6:6-8

Magandang Balita Biblia

⁶ Pagkatapos, may isang seraping sumipit ng baga mula sa altar, at lumipad patungo sa akin. ⁷ Idinampi niya ang baga sa aking mga labi, at sinabi: “Ngayong naidampi na ito sa iyong mga labi, pinatawad ka na at nilinis na ang iyong mga kasalanan.” ⁸ At narinig ko ang tinig ni Yahweh na nagsasabi, “Sino ang aking ipadadala? Sino ang magpapahayag para sa atin?” Sumagot ako, “Narito po ako; ako ang inyong isugo!”